نااااااااديت

ناديت من حولي وصوتي صدح في الزحام
وصداه عود علي ويقول مافي احد

ربعي مضوا دون عودة لو حشمت الحشام
واصحابي اقفوا بعد واحبابي اقفو بعد

سكت لأن الكلام يهيج الملام
واليوم طالت بي اوجاعي وطال الامد

صحيت من صدمة منها يفيق النيام
في غفلتي مادريت الا بقم ياولد

وقفت والموت مابين اللحم والعظام
همي انا اطلب مدد لكن مابه مدد

اليا انجل الليل الاظلم حل من بعده ظلام
كن الظلام متسيد عالي للابد

وراه المواجع تفتحت جروح قدام
قامت سنيني تنادلها جروح جدد

واللي تقضبت في حبل الرجا مااستقام
ام فلت من يدي والا غدا من مسد

امشي واشوف التساؤل في عيون الانام
ليه الزمان انقلب والكون جن وقعد

ليه تقتل حلم من يحلم يعيش بسلام
الي سلم من حميد ماسلم من حمد