بعد ما حاجه يذبح بينه الافغاني

مشكور حبي وماقصرت تسلم الايادي

بعد ما حاجة يذبح بينة ألأفغاني



ولا عبوة بدرب يزرعلي جيراني

ولا يدخل يهودي ولا أمريكان
إحنه إخوان واحد يذبح الثاني
بير التفرقة حفرته ألأمريكان
وأدري وما طحت بس هوّ جَرّاني
خمس سنين يذبح وآنه راسي بجيس
وبجنطة الجسد وبجنطة ذرعاني
خلص عمرك حكم بسّك بعدشتريد
تضل إبن القصر وإبن الكصب آني
وتضل إنتّ العَجَل وآنه اليّوّل للموت
وأضل إبلا أضافر وإنتّ سجاني
وتضل البصرة عاجر وام ولد تكريت
وتضل تنكل حطب لديالى ميساني
وتضل ويه العرب وإخواني ذولي تكول
ويسئلونك علّي وتكلهم إيراني
باوع على إخوانك بية شيسوون
وشوف شلون أخوك إيرّجع إحساني
يعوف إختي بعبوته إمكشفه إعله الكاع
يتفرج عليهه القاسي والداني
وأنه الكل إعربية إتكشفّت هديت
واغطيهه بقميصي وألبس الثاني
منهدّوا عليك وطبّوا العمان
ما كلتلك إختك هذا غطاني
وأنه لوما شريف اليوم أطب ردود
وأنزعهن وأكلهن ذني قمصاني
عمر أعلف عليكم والشعب جوعان
ويلوموني وأكلهم ذولي فرساني
تالي إتهد علي وحصاني ميت جوع
والله إتندمت لوعالف حصاني
لمريكا شلع كلكم حنيتوا الراس
وعذرتوا أرواحكم وإتعيرت آني
أنه صح دنّكت كدام ألأمريكان
ولكن دنّكت شديت قيطاني
ولإن شيعي الحكم أدفع ضريبة تريد
وانه إشحصّلت والشيعي شطاني
إنكسر كلبه إعله كوخي وكال أهدمه اليوم
وابنيلك قصر وتسكنه بس تاني
بس تاني . بس تاني . بس تاني
واتاني وصار خمس سنين
وهوّ من القصر طابوكه ما باني
حتى التاني ملّت من المتاناة
إذا أكللهه تاني تكلي ما تاني
بعد ما أنتخب لا والله والعباس
لوكتبوا إسم بآيات قرآني
بيتي الطين يرجف وهمه عركانين
وصورهم لزّكّوهه بحيطان بنياني
وشعارات إعله بيتي يدكله طًول قماش
وأنه بعازة كماط يغطي رضعاني
ردالفندقك والجبته اخذه وياك
ماريد القصر ردني إعله بنياني
كبل كطنه إعله حلكي وما صحت مظلوم
وإجيت إنتّ وشلتهه وإتحرر لساني
وكتلي براحتك إصرخ المظلوم
ترى الكطنه البحلكك صارت بذاني

تحياتي
قصه حبيبين