يـــا عظيمــــة

ياعظيمه كل شئ له حدود وله نهايه
لكن انتي ماوقفتي عند حدك ياعظيمه

استلذيتي بطعناتي واخذتيها هوايه
كن مالك حربة توجع وطعنات ٍ اليمه

آه ليتك ماتماديتي بطعنات البدايه
لين صار لكل طعنه في الحشى معني وقيمه

الله يبيحك ولكن كيف في اغرب روايه
تكتبين الحب كذبه والهوى دقه قديمه

وانتي الي كل مالدة عيونك في المرايه
مالحمتي لليتم الي خذت قلبه يتيمه

واليتيمه في اليتامي مالها حق الوصايه
الوصيه عودها الغض ونواياها السليمه

لكن انتي صار لك حق الوصايه والولايه
واستبديتي واضحو البدو واضحيتي مقيمه

مارحلتي لين حطمتي بمافيه الكفايه
عاقل حب الجنون وصوت ناره في هشيمه

استبحتي حرمة المجنون بإدراك وعنايه
والتفيتي له بعقلك وارتكزتي في صميمه

امتلكتي غايته لو ماكان لك غايه
وانتصرتي في عيونه واعترف لك بالهزيمه

من كثر مايعشقك ماقال لك بالحب رايه
خايف الايام لاتطلع عواقبها وخيمه

للشاعر المتألق
ضيدان العجمي

تحياتي