صغير الســـن

CRYSTAL كتب:

ياصغيّــر السن قــدرك طــاحـت أبراجـــه
الجــرح خلّــى الصخــر ينطـق ونطقّنـــي

خــلاص مـاعــاد تعنـــي لـــي ولا حاجــه
رح.. جعــل ربـــي يــــوفقـك ويـوفقنــــي

مــن بعــد مــا كنت نور العمـر وسراجــه
اليــوم صــرت الظـــلام اللـــي يطوقنــــي

عطيتك أكثـــر مــن اللــي كنـت تحتاجـــه
أســـرفت فـ( الحـب) ..لين الحب وهقنــي

خــلاص.. مالــي ومــال الحب وإزعاجـــه
مــالي ومــال الـــدروب اللــي تضايقنــــي

تعبت أضــمّ البحـــر وأهــــدِّي أمواجــــه
تعبت أجامــل و أشــوف الوقت يسرقنــي

شكــواي للي عليــه الضيـــق و إفراجـــــه
اللــــي إذا شــــاء.. يرحمنـــي ويرزقنـــي

أمــا أنت يابـــو جبيـنٍ عقّّــــد حجاجـــه
لاعـــاد تسأل علامــك مــا أنت طايقنـــي ؟

النـــاس كــــلٍ علــــى دربــــه ومنهاجــــه
وأنـــا عـــن النـاس مابــــه شـــي يفرقنـــي

إلا أنـــي دايـم أحب الصــــدق وأواجـــــــه
مخـــلوق .. و الله علــى هالوضـع خالقنــي

حتــى رفيقــي ضمـاد الجـــرح وعلاجــــه
علــى كثــر مــا أتمّسـك فيــه .. صدقّنــــي ..

لــو أدري إنــه مرافقنــــي علـــى حاجـــــه
لأمسّكـــه حاجتــــه.. وأقـــــول فارقنــــــي